UMUNTU ENDAWENI YAKHE

Haaaa, futhi lingixolele bantu ngizaloba ngesindebele ngoba yiso esizangenza ngenelise ukuveza inhlungu engizizwa enhlinzweni ngaleyinkathi. Ngibe ngisiya bhadala imali e Telone koBulawayo. Ngifike ngime elayinini evele layo ingathambanga ,kuvele kutshisa. Ngibhadale ngilayelwe kundawo abathe yi enquiries .Ngilayine. Ngime. Ngime. Ngama ngisamile wena. Kuzitshovela kancane okuyilayini. Siqale ukukhalakhala emuva -okusalayo besilokhe silayinile. Kuyatshisa, kunuka ikhwapha-hayi kabi ,MHLAWUMBE lelami belincedisa. Kubuhlungu ukukhonona kodwa usazi ukuthi akulamehluko ozayenzakala njalo uzalayina kuphela. Ngaqhubeka ngilayinile  …yatshova ,kwaba lethemba. Manje kathesi besengibona umuntu onguye osincedayo. Ubengowesifazane. Bengiseduze kodwa ngikhatshana. Umama lwana ubezithathela iskhathi sakhe  …ake ahleke eceleni lempintshi zakhe. Asukume athi uyabuya. Shuwa bekutshisa njalo kungajabulisi ukube lokhe sibhekane lobuso bakhe. Phambi kwami bekulowesifazane oliNdiya. Akhulume lami ngesilungu kodwa angisazwanga hatshi ngoba angizwa isilungu kodwa besengidinwe ngulumama ongela zwelo. Umama ube tayila engadlali lwa! Ngibhejile oh! Uzangthola kweyami indawo …uzezwa angani uyatsha.